ومن زمان وانا عايز اعرف معنى الحب والهيام
واتعلم عشق واقع ف الغرام
وحبة حبة ابتديت اتعلم معنى المحبة
وادينى بقيت من المحبين العظام
وواحدة واحدة اتحسبت واحد م الاحبة
واتكتب اسمى عاشق زي قيس تمام
واتنسبت لى فى العشق الف الف قصة
وحاولت انفى كل الحكايا والكلام
والمحبين حوليا يقولوا انت خايف م الملام
واصل الشجر الكبير واللى مالي الكون ظلال
ده كان اصغر حبة مهملة
ومدفون ف الطين والتراب
وبداية اعظم قصائد الوله والغزل
وكل كل حكايا اليأس والامل أبتدت مجرد همسات.